---த.அஜந்தகுமார்
மௌனத்துள் இறுகிச்
சொருகிக் கிடக்கும் உன் வாழ்வு
ஏதேதோ நினைவுகளில்
உன் உலகம் இருத்தல் கூடும்
என்னப்பா என்று ஏதும் கேட்டால்
உன்பாட்டில் மெல்லிய புன்னகை தெளித்து
விலகிச் செல்வாய்
கடவுளின் கருணையிலும்
உன்னால் நான் சந்தேகம் கொண்டேன்
உன் விரல்கள் எழுதும்
மொழிகள்
விளங்க முடியாதவையாய் மாறி வருகின்றன
உன் விழிகளின் பிரகாசம் குன்றி
வருவதை
மரணத்தின் வாசலாய் எண்ணிப் பயங்கொள்கிறாய்
எனது எந்தச் சமாதானங்களுக்குள்ளும் சிக்காது
தனித்து வருகிறாய்
கடவுளின் கருணையிலும் உன்னால்
நான் சந்தேகம் கொள்கிறேன் 23012010
மௌனத்துள் இறுகிச்
சொருகிக் கிடக்கும் உன் வாழ்வு
ஏதேதோ நினைவுகளில்
உன் உலகம் இருத்தல் கூடும்
என்னப்பா என்று ஏதும் கேட்டால்
உன்பாட்டில் மெல்லிய புன்னகை தெளித்து
விலகிச் செல்வாய்
கடவுளின் கருணையிலும்
உன்னால் நான் சந்தேகம் கொண்டேன்
உன் விரல்கள் எழுதும்
மொழிகள்
விளங்க முடியாதவையாய் மாறி வருகின்றன
உன் விழிகளின் பிரகாசம் குன்றி
வருவதை
மரணத்தின் வாசலாய் எண்ணிப் பயங்கொள்கிறாய்
எனது எந்தச் சமாதானங்களுக்குள்ளும் சிக்காது
தனித்து வருகிறாய்
கடவுளின் கருணையிலும் உன்னால்
நான் சந்தேகம் கொள்கிறேன் 23012010
கருத்துகள் இல்லை:
கருத்துரையிடுக